एजेन्सी । रनवीर कपूरको फिल्म एनिमल रिलिज भएदेखि नै यो फिल्मको चर्चा सर्वत्र भइरहेको छ । फिल्मले बक्स अफिसमा धमाका मचाएको छ ।
ट्रेलर सार्वजनिक भएपछि फिल्मलाई लिएर निकै चर्चा चलेको थियो र अग्रिम बुकिङमा पनि फिल्मले ठूलो नाफा कमाएको थियो ।
यो फिल्म डिसेम्बर १ मा रिलिज भएको थियो र यससँगै विक्की कौशलको फिल्म साम बहादुर पनि आएको थियो । तर यो फिल्मको बक्स अफिस कलेक्सन भने निराशाजनक छ ।
फिल्मले समीक्षकबाट सकारात्मक प्रतिक्रिया पाएको छ तर रिलिजको ८ दिनमा फिल्मले ५० करोड पनि कमाउन सकेको छैन ।
उता एनिमलले भने बक्स अफिसमा धमाकेदार कमाई गरिरहेको छ ।
एनिमलले ७ दिनमा ३३८ करोड कमाएको थियो । फिल्मले रिलिजको आठौं दिनमा २३.५० करोड कमाएको छ । जसका कारण ८ दिनमा फिल्मको कुल कलेक्सन ३६१ करोड पुगेको छ । फिल्मले केही दिनमै ५ सय करोडको आँकडा पार गर्ने देखिन्छ ।
