गोपाल किराँती पक्राउ

विराटनगर। गोपाल किरातीलाई प्रहरीले पक्राउ गरेको छ। नेकपा एमालेको मध्यपहाडी संकल्प यात्रालाई अवरोध गर्ने चेतावनी दिँदै आएका किरातीलाई प्रहरीले खोटाङ्गको हलेसीबाट पक्राउ गरेको हो।

एमालेको मध्यपहाडी संकल्प यात्रालाई लक्षित गर्दै पहिचानवादीले बन्दलगायतका आन्दोलनका कार्यक्रम घोषणा गरेका छन्। उनले केही दिनअघि एमालेका लागि चिहान तयार पारेको हिंसात्मक अभिव्यक्ति दिएका थिए।

माओवादीका पूर्वनेता, पूर्वमन्त्रीसमेत समेत रहेका किराँतीले माओवादी कम्युनिष्ट पार्टी खोलेका छन्।

किरातीसँगै खोटाङ र भोजपुरबाट केही आन्दोलनकारीहरू पक्राउ परेका छन्।