थुनछेक बहसका लागि टोपबहादुर रायमाझी र बालकृष्ण खाण जिल्ला अदालतमा

नेपालीपत्र आईतबार, २०८० जेठ २१ गते, १४:२६ मा प्रकाशित नेपाल

काठमाडौँ। नक्कली भुटानी शरणार्थी प्रकरणमा मुछिएका पूर्वउपप्रधानमन्त्री टोपबहादुर रायमाझी र पूर्वगृहमन्त्री बालकृष्ण खाण लगायतलाई काठमाडौँ जिल्ला अदालतमा उपस्थित गराइएको छ। आरोपीमाथिको थुनछेक बहसका लागि उनीहरुलाई अदालतमा उपस्थित गराइएको हो।

काठमाडौँ जिल्ला अदालतमा आरोपीहरुलाई आइतबार बिहान उपस्थित गराइएको हो। काठमाडौँ जिल्ला अदालतमा नक्कली भुटानी शरणार्थी प्रकरणमा संलग्न रहेको आरोपमा पक्राउ परेका नेकपा एमालेका नेता टोपबहादुर रायमाझी, नेपाली कांग्रेसका नेता बालकृष्ण खाँणसहित १८ जनालाई थुनछेक बहसका लागि जिल्ला अदालतमा उपस्थित गराइएको छ।

हालसम्म पक्राउ परेका सबै १८ जनाको बयान सम्पन्न भएपछि आजबाट थुनछेक बहस सुरु हुन लागेको हो। थुनछेक बहसपछि आरोपीहरुलाई पुर्पक्षमा पठाउने÷नपठाउने भन्नेबारे क्रमशः निर्णय लिइनेछ।

#अदालत #टोपबहादुर रायमाझी #बहस #बालकृष्ण खाण

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।