रास्वपाले गर्‍यो गौशाला २६ भन्दै युवतीको तस्बिर सार्वजनिक गर्ने कार्यकर्तालाई निलम्बन

काठमाडौँ । राष्ट्रिय स्वतन्त्र पार्टी (रास्‍वपा)ले बलात्कारी ठहर भएका क्रिकेटर सन्दीप लामिछानेबाट पीडित गौशाला २६ भन्दै सामाजिक सञ्जालमा युवतीको पहिचान खुलाउने एक जना कार्यकर्तालाई निलम्बन गरेको छ ।

रास्वपाले चितवनका दिवश सापकोटालाई निलम्बन गरेको हो । बिहीबार दिउँसो एक सूचना जारी गर्दै रास्वपाले उनलाई निलम्बन गरेको जनाएको छ । पार्टीका अनुसार निलम्बित सापकोटा रास्वपाको प्रवास नेपाली सम्पर्क विभाग जापान च्युबू शाखा समितिको सदस्‍य थिए ।

सापकोटाले गौशालाको २६ को भन्दै सामाजिक सञ्जाल फेसबुक र एक्समा एकजना युवतीका ३ वटा तस्बिर सार्वजनिक गरेका थिए ।