हेटौँडा । राष्ट्रियसभा निर्वाचनमा बागमती प्रदेशमा सत्ता गठबन्धनका चारै जना उम्मेदवार विजयी भएका छन् ।
महिलातर्फ नेपाली कांग्रेसका विष्णुदेवी पुडासैनी ६ हजार ६२२ मतभार सहित विजयी भइन्। उनले नेकपा एमालेकी उम्मेदवार रोचकुमारी चौलागाईंलाई पराजित गरिन् । चौलागाईंले २ हजार ५५२ मतभार ल्याइन् ।
दलिततर्फ नेकपा एकीकृत समाजवादीका घनश्याम रिजाल विश्वकर्मा निर्वाचित भए । उनले ६ हजार ५१२ मतभार प्राप्त गरे । उनका प्रतिस्पर्धी एमालेका उम्मेदवार ध्रुवराज विश्वकर्माले ३ हजार ५२ मतभार प्राप्त गरे ।
अन्यतर्फ नेपाली कांग्रेसका उम्मेदवार जीतजंग बस्नेत निर्वाचित भए । उनले ६ हजार ५३१ मतभार ल्याउँदा नेकपा एमालेका त्रिलोचन निर्मल पौडेल २ हजार ३५९ मतभारसहित पराजित भए ।
अल्पसंख्यक तथा अपांगतातर्फ माओवादी केन्द्रका श्रीकृष्ण अधिकारी निर्वाचित भए । अधिकारीले नेकपा एमालेका उम्मेदवार विवेक देवकोटालाई पराजित गरे । अधिकारीले ६ हजार ४३६ मत प्राप्त गर्दा प्रतिस्पर्धी देवकोटाले २ हजार ७३४ मत ल्याए ।
