Techie IT
२०८० फागुन १०, बिहीबार
NepaliPatra logo
गृहपृष्ठनेपालजन्मदिनमा थापाद्वारा विपन्न परिवारलाई झण्डै १ लाखको खाद्यान्न सहयोग

जन्मदिनमा थापाद्वारा विपन्न परिवारलाई झण्डै १ लाखको खाद्यान्न सहयोग


बागलुङ । सामाजिक संस्था घुम्टे युवा परिवार जापान शाखाका उपाध्यक्ष युवा समाजसेवी दुर्गा थापाले विपन्न परिवारलाई खाद्यान्न सहयोग गरेका छन् ।

गलकोट नगरपालिका ७ मल्म हाल जापानमा कर्म गर्दै आएका समाजसेवी थापाले श्रीमती सकुन केसी थापा र छोरा बिनम्र थापाको जन्मदिनको अवसरमा गलकोट नगरपालिका वडा नं ९ बाँसखोला, चित्रेथुम निवासी पुतली विश्वकर्माको परिवारलाई ८५ हजारको खाद्यान्न र नगद रु ५ हजार सहयोग गरेका हुन् ।

विश्वकर्माको परिवारलाई एक कार्यक्रमका बिच उक्त खाद्यान्न सामाग्री सहयोगी दुर्गा थापा र गलकोट नगरपालिका वडा नं ९ का वडा अध्यक्ष तेज बहादुर थापाले संयुक्त रुपमा हस्तान्तरण गरेका थिए ।

विश्वकर्माको परिवारमा शारिरिक अशक्त बालबच्चा, पाका उमेरका गरि १० जनाको परिवार रहेको छ । आर्थिक अवस्था निकै कमजोर रहेका विश्वकर्मा परिवारको जग्गा जमिन पनि पर्याप्त नरहेको र दैनिक ज्याला मजदुरी गरेर जिवीकोपार्जन गर्दै आईरहेको वडा अध्यक्ष थापाले बताए ।

रोजगारीको सिलसिलामा जापानमा रहेर व्यवसाय सञ्चालन गर्दै आईरहेका समाजसेवी थापाले आफु विदामा नेपाल आएको बेला विश्वकर्मा परिवारमा समस्या रहेको जानकारी पाएपछि आफ्नो श्रीमती र छोराको जन्मोत्सवमा खाद्यान्न सहयोग गर्ने योजना तय गरेको बताए ।

समाजमा दुख पिडा र आर्थिक अभावमा कसैले समस्या झेल्न नपरोस भन्दै एकले अर्कोलाई सहयोग गनुपर्ने मान्यता अनुसार आफलेु सदभाव बाँडन उक्त खाद्यान्न सहयोग गरेको थापाले उल्लेख गरे ।

समाजसेवी थापाले यस अघि नेपालमा गएको विनाशकारी भूकम्प र कोराना कालमा पनि गलकोटमा खाद्यान्न तथा स्वास्थ्य सामाग्री सहयोग गरेको स्मरण गर्दै संकटमा सबै नागरिकले जसले जे सकिन्छ त्यो सहयोग गर्नु पर्ने बताए ।

खाद्यान्न ग्रहण गरेपछि विश्वकर्मा परिवारले सहयोगी थापालाई धन्यवाद ज्ञापन गरेको छ । जन्मोत्सवमा गरिने फजुल खर्च कटौती गरि विपन्न परिवारलाई गरिने यस्ता सहयोग सबैका लागि अनुकरणीय हुने उक्त सामाग्रीको निशुल्क ढुवानीकर्ता युवा व्यवसायी हुम थापाले बताए । उनले यस किसिमको सहयोगले समाजमा विभिन्न सन्दर्भमा गरिने खर्च कटौती गरि विपन्न नागरिकलाई सहयोग गर्नु परोपकारी काम हुने उल्लेख गरे ।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

त्रिभुवन विश्वविद्यालयको उपकुलपतिमा प्रा.डा बराल नियुक्त

काठमाडौँ । त्रिभुवन विश्वविद्यालयको उपकुलपतिमा प्रा. डा. केशरजङ्ग बराल नियुक्त भएका छन् । विश्वविद्यालयका कुलपति एवम् प्रधानमन्त्री पुष्पकमल दाहाल ‘प्रचण्ड’ले

काठमाडौँमा हल्का वर्षा

काठमाडौँ । काठमाडौँमा हल्का वर्षा भएको छ । जल तथा मौसम पूर्वानुमान महाशाखाका अनुसार काठमाडौँको त्रिभुवन विमानस्थल वरपर हल्का पानी

गणपूरक संख्या नपुगेपछि संसद बैठक स्थगित

काठमाडौँ । गणपूरक संख्या नपुगेपछि प्रतिनिधि सभाको बैठक स्थगित भएको छ । सभामुखले नेपाल मजदुर किसान पार्टीका सांसद प्रेम सुवाललाई

त्रिभुवन अन्तर्राष्ट्रिय विमानस्थलमा ११ अर्बभन्दा बढी राजस्व सङ्कलन

काठमाडौँ । त्रिभुवन अन्तर्राष्ट्रिय विमानस्थल हवाई उडानका दृष्टिकोणले अति व्यस्त विमानस्थल हो । आन्तरिक र अन्तर्राष्ट्रिय उडान चाप बढ्दो छ

१४४ वर्षपछि अछामको वैद्यनाथ धाममा कोटिहोम लाग्दै

काठमाडौँ । अछामको साफेबगर नगरपालिका९१ मा रहेको वैद्यनाथ धाममा १४४ वर्षपछि सुरु हुन लागेको कोटिहोमको राष्ट्रपति रामचन्द्र पौडेलले उद्घाटन गर्नेछन्

माओवादी केन्द्रको स्थायी समिति बैठक हुँदै

काठमाडौँ । नेकपा माओवादी केन्द्रको स्थायी समिति बैठक आज हुँदैछ । पार्टी मुख्यालय पेरिसडाँडामा अपराह्न १ बजे हुने बैठकमा समसामयिक

Techie IT