समन्वय र सम्पर्क नगर्दा धरहराको पार्किङमा सरकार जिम्मेवार हुन सक्दैनः मन्त्री गुरुङ

काठमाडौँ । सहरी विकासमन्त्री सीता गुरुङले धरहराको पार्किङका लागि काठमाडौँ महानगरपालिकाका मेयर बालेन शाहको अभिव्यक्तिमा प्रतिक्रिया दिएकी छिन् । सोमबार संसद् भवनबाहिर सञ्चारकर्मीसँगको कुराकानीका क्रममा मन्त्री गुरुङले बालेनले समन्वय र सम्पर्क नै नगरेको टिप्पणी गरेकी हुन् ।

‘एक महिना पर्खेको भए राम्रो हुन्थ्यो, समन्वय र सम्पर्क नगर्ने । यसमा सरकार जिम्मेवार हुन सक्दैन ।’मन्त्री गुरुङले भनिन्, ‘अहिलेसम्म प्राथमिकतामा उहाँहरूले राख्नुभएको छैन । उहाँहरू यसरी गए राम्रो हुँदैन,’

उनले धरहराको निर्माण नसकिँदै पार्किङका लागि प्रयोग गरिएको बताइन् । उनले निर्माण नै सम्पन्न नभएकाले महानगरले मान्ने–नमान्ने प्रश्न नै नभएको पनि बताइन् ।

अहिले बत्ती नै जडान नभएको तथा अग्नि नियन्त्रणको काम पनि नभएकाले प्रयोग गर्न नहुने उनको भनाइ छ ।