राष्ट्रियसभा बैठकमा बजेटमाथि उठेका प्रश्नको अर्थमन्त्रीले जवाफ दिने

काठमाडौँ। संघीय संसदअन्तर्गत राष्ट्रियसभा बैठक बस्दैछ।

शुक्रबार बिहान ११ बजेर ३१ मिनेटमा बस्ने बैठकमा आर्थिक वर्ष २०८०/०८१ को राजश्व र व्ययको वार्षिक अनुमानमाथिको सामान्य छलफल जारी रहने कार्यसूची छ।

अर्थमन्त्री डा. प्रकाशशरण महतले आर्थिक वर्ष २०८०/०८१ को राजश्व र व्ययको वार्षिक अनुमानमाथिको सामान्य छलफलमा उठेका प्रश्नहरूको जवाफ दिने सम्भावित कार्यसूची तय भएको छ।

प्रमुख प्रतिपक्षी नेकपा एमाले लगायत राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)ले बजेट सच्याउन माग गरेको छ।