काठमाडौँको थलीमा मृत भेटिएका पुरुषको पहिचान खुल्यो

काठमाडौँ । काठमाडौँको कागेश्वरी मनहरा नगरपालिका वडा नम्बर ५, सानोथलीमा मंगलबार बिहान मृत भेटिएका पुरुषको पहिचान खुलेको छ ।

मृतक भक्तपुर– ७, छालिङका ५२ वर्षीय कृष्ण नगरकोटी भएको पत्ता लागेको थली प्रहरीले जनाएको छ । शवको साथमा भेटिएको सवारी चालक अनुमतिपत्रका आधारमा उनको परिचय पत्ता लागेको प्रहरीले जनाएको छ ।

प्रहरीका अनुसार कपडाले मुख ढाकिएको अवस्थामा फेला परेको शवनजिकै दुइटा ब्लेड पनि भेटिएका छन् । घटना शंकास्पद रहेकाले अनुसन्धान भइरहेको प्रहरीले जनाएको छ ।