Techie IT
२०८१ साउन ४, शनिबार
NepaliPatra logo
गृहपृष्ठनेपालबस्तीमा बाढी पस्दा विराटनगरका ६ सय बढी घर डुबानमा

बस्तीमा बाढी पस्दा विराटनगरका ६ सय बढी घर डुबानमा


मोरङ । लगातारको वर्षापछिको पानीले निकास नपाउँदा विराटनगर जलमग्न भएको छ । गए रातिदेखि परेको वर्षाले महानगरका १९ वटै वडावासी डुबानबाट प्रभावित बनेका छन् ।

डुबानका कारण बुधबार अधिकांश विद्यालय बन्द भएका छन् । सडकभन्दा माथि नाली निर्माण हुनु र नालीको पानीले पनि निकास नपाउँदा हरेक वर्ष महानगर डुबानमा पर्दै आएको छ ।

महानगर–३ को हिमाली मार्ग, फिफा, त्रिमार्ग, आस्था र मितेर मार्गका ९० प्रतिशत घर डुबानमा परेका छन् । स्थानीय वासु भण्डारीकाअनुसार पहुँचका आधारमा सडक र नाला निर्माण गरेर पानीको निकास नगर्दा वडाको पुरै बस्ती नै डुबानमा परेको हो ।

उनकाअनुसार हिमाली मार्ग अन्तर्गतका घरको भुई तलामा पानी छिरेको छ । यसक्षेत्रका अधिकांश घरको भुइँतलामा दुई फिटसम्म पानी जमेको छ ।

वडा ३ कै पिपल चोकको प्रताप मार्गको सडक निमार्ण गर्नेक्रममा सडक भन्दामाथि नाली निर्माण गरिँदा त्यहाँका सय भन्दाबढी घर डुबानमा परेको स्थानीय पिताम्बर बजगाईंले जानकारी दिए । उनले भने, ‘सडक तल र नाली माथि निर्माण गरेर निकास बन्द गर्दा यहाँका सबै घरको भुईं तलामा तीनफिटसम्म पानी जमेको छ ।’

विराटनगर–४ अन्तर्गत एयरपोर्ट क्षेत्रसहित रामजानकी टोल, रेग्मी समाज टोल र कुमारी राइसमिल आसपासको बस्ती डुबानमा परेको छ । वडा नं ६ को वरमपुराका ६ सय भन्दा बढी घर डुवानमा परेको वडा अध्यक्ष अक्षय सहनीले बताएका छन् ।

उनका अनुसार स्थानीय बस्ता खोलाको पानी बस्तीमा पस्दा घर डुबानमा परेका हुन् । वडा नं ११ को जनपथ र मडी टोलका अधिकांश घर डुबानले प्रभावित बनेको वडाध्यक्ष तिर्थेन्द्र न्यौपानेले वताए । वडा नं ८ को सरस्वती टोल डुबानमा परेको छ ।

महानगरको वडा नं १५, १६, १७ र १८ का मिल्स एरिया, लंका, दरैया, दामागिरी र स्लामपुर सहितका अधिकांश बस्ती डुबानले प्रभावित भएको इप्रका रानीका प्रहरीनिरीक्षक प्रकाश थापाले बताए । महानगर जलमग्न भएको बताउँदै मेयर नागेश कोइरालाले एशियाली विकास बैंक लगायत विभिन्न दातृ निकायको सहयोगमा सडक र नाला निर्माण गरिँदा पानी निकासको विकल्प नखोजिएका कारण महानगरमा हरेक वर्ष डुबानमा पर्दै आएको दाबी गरे ।

सडक र नाला त बनाइयो तर पानीको निकासबारे कसैले पनि ध्यान नै दिएनन् । कोइरालाले भने बिनायोजना गरिएको विकास निर्माणले महानगरवासीले आकासे पानीमै डुबानको सास्ती खेप्नु परेको छ । डुवानका कारण महानगरका अधिकांश विद्यालय बुधबार बन्द रहेको प्याब्सन मोरङका अध्यक्ष प्रेम सुवालले बताए । महानगरले पनि डुबानको अवस्था हेरेर विद्यालय खोल्न निर्देशन दिएको मेयर कोइरालाले बताए ।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

सरकारले भन्याे– ‘बङ्गलादेशमा रहेका नेपाली विद्यार्थी सुरक्षित छन्’

काठमाडाैँ । सरकारले बङ्गलादेशमा रहेका नेपाली विद्यार्थी सुरक्षित रहेकाे जनाएको छ । परराष्ट्र मन्त्रालयले आज एक सूचना निकालेर अहिलेसम्म सम्बन्धित

राष्ट्रियसभामा थारु आयोगको वार्षिक प्रतिवेदन पेस

काठमाडौँ । राष्ट्रियसभामा ‘थारु आयोगको पाँचौँ वार्षिक प्रतिवेदन, २०७९–०८०’ पेस भएको छ । सभाको आजको बैठकमा प्रधानमन्त्री केपी शर्मा ओलीका

अमेरिकी दूतावाससँग जोडेर आएका समाचारबारे उपसभामुख रानाको ध्यानाकर्षण

काठमाडौँ । उपसभामुख इन्दिरा रानामगरले केही युवालाई अमेरिका पठाउन अमेरिकी दूतावासमा भिसा आवेदन दिएको र अमेरिकाले उपसभामुखसहित कसैलाई पनि भिसा

गृहमन्त्री लेखकसँग अमेरिकी राजदूतको भेटवार्ता

काठमाडौँ । गृहमन्त्री रमेश लेखक र अमेरिकी राजदूत डिन आर थम्पसनबीच भेटवार्ता भएको छ । शुक्रबार गृह मन्त्रालयमा भएको भेटवार्ताका

नेपाल आँखा अस्पतालको मेडिकल डाइरेक्टरमा डा. शाक्य

काठमाडौँ । नेपाल आँखा अस्पतालको मेडिकल डाइरेक्टरमा नेत्ररोग विशेषज्ञ डा. किरण शाक्य नियुक्त भएका छन् । अस्पतालको सञ्चालक समिति बैठकले

बाग्मतीमा राप्रपाले सरकारलाई विश्वासको मत नदिने

मकवानपुर । राष्ट्रिय प्रजातन्त्र पार्टी (राप्रपा)ले बाग्मती प्रदेश सरकारका मुख्यमन्त्री शालिकराम जम्कट्टेललाई विश्वासको मत नदिने निर्णय गरेको छ । बिहीबार

Techie IT