त्रिभुवन अन्तर्राष्ट्रिय विमानस्थलको गेटनजिकै गोली चल्यो

काठमाडौँ। त्रिभुवन अन्तर्राष्ट्रिय विमानस्थलको गेटनजिकै गोली चलेको छ। विमानस्थलका प्रहरी स्रोतका अनुसार लागुऔषध नियन्त्रण ब्यूरोबाट खटिएको टोलीले लागुऔषध कारोबारी एक युवामाथि गोली प्रहार गरेको हो।

लागुऔषध कारोबारी युवालाई पछ्याउँदै गरेको ब्युरोको टोलीले पक्राउ गर्न खोजेको थियो तर, ती युवा भाग्ने प्रयास गरेपछि गोली हानिएको हो। युवाको घुँडामुनी गोली लागेको छ।

प्रहरीको गोली लागेर घाइते भएका विकास भगवतलाई उपचारको लागि केएमसी अस्पताल लगिएको छ। उनको साथबाट केही मात्रामा लागू औषध पनि बरामद भएको बताइएको छ।