बल्खु पुलमुनि एक जना पुरूषको शव फेला

काठमाडौँ । काठमाडौँको बल्खु पुलमुनि एक जना पुरूषको शव फेला परेको छ ।

बुधबार बिहान काठमाडौँको बल्खुस्थित पुलमुनी एक जनाको शव फेला परेको काठमाडौँ उपत्यका प्रहरी कार्यालय रानीपोखरीका प्रवक्ता एवं एसएसपी दिनेशराज मैनालीले जानकारी दिए ।

मृतक बाँके घर भई सुकुम्बासी बस्तीमा बस्ने ४५ वर्षीय राम सरूप महतो रहेको खुलेको एसएसपी मैनालीले बताए। शव प्रहरी र सशस्त्र प्रहरी बलको टोलीले निकालेको छ। मृतकका आफन्त पनि प्रहरीको सम्पर्कमा आइसकेका छन् ।

बल्खु खोलामा आएको बाढीले बगाउँदा उनको मृत्यु भएको हुनसक्ने अनुमान गरिएको छ ।