विद्यालय कर्मचारीहरुको आन्दोलन स्थगित

काठमाडौँ। सामुदायिक विद्यालयमा कार्यरत विद्यालय कर्मचारीहरुको आन्दोलन स्थगित भएको छ। शिक्षा मन्त्रालयले वार्तामा बोलाएपछि आन्दोलन स्थगित भएको हो।

विद्यालयका कर्मचारीहरुले सेवा सुविधासहित पेशागत स्थायित्वको माग राख्दै आन्दोलनमा उत्रिएका थिए। उनीहरुले हालसम्म पनि ८ हजारदेखि १३ हजार ५०० रुपैयाँ मासिक पारिश्रमिक पाएकोले बाध्य भएर आन्दोलन गर्नुपरेको बताएका थिए।

चरणबद्ध आन्दोलन अन्तर्गत आज सबै सामूदायिक विद्यालयहरु बन्द गरिएको थियो।

तर, काठमाडौँ महानगरपालिकाका मेयर बालेन्द्र शाहले विद्यालय बन्द गरेर आन्दोलन गरे कर्मचारीलाई कारबाही गर्ने चेतावनी दिएका थिए।