शीर्ष नेताको बैठकपछि ओलीले भने – ‘पछि हेर्नू’

काठमाडौँ । सदनमा जारी अवरोध खुलाउनका लागि प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवा र एमाले अध्यक्ष केपी शर्मा ओलीबीच भएको छलफल सकिएको छ ।

सिंहदरबारस्थित प्रधानमन्त्री कार्यालयमा बसेको बैठकबाट देउवा र ओली बाहिरिएका हुन् । बाहिरिने क्रममा सञ्चारकर्मीहरुले एमाले अध्यक्ष ओलीलाई सहमति जुटेको र संसद् बैठकको अवरोध खुलाइने हो भनी जिज्ञासा राखेका थिए । ओलीले भने संक्षिप्तमा ‘पछि हेर्नू’ भन्ने प्रतिक्रिया मात्रै दिए ।

यसैबीच, आइतबार दिउँसो १ बजेका लागि तय गरिएको प्रतिनिधि सभा बैठक दुई घण्टा पछि सारिएको छ । प्रधानमन्त्री पुष्पकमल दाहाल प्रचण्डले टेलिफोन संवादमा बैठक सार्न अनुरोध गरेपछि सभामुख देवराज घिमिरेले बैठक सारेको उनको सचिवालयले जानकारी दिएको छ ।