नेपालले बंगलादेशलाई दियो १७० रनको लक्ष्य

काठमाडौँ । नेपालले बंगलादेशलाई १७० रनको लक्ष्य प्रस्तुत गरेको छ । आइसीसी यु– १९ विश्वकपको सुपर सिक्सअन्तर्गत दक्षिण अफ्रिकामा जारी खेलमा नेपाल १ बल अगावै अलआट हुँदै १६९ रन बनाएको हो ।

नेपालका लागि विशाल विक्रम केसीले सर्वाधिक ४८ रन बनाए । त्यस्तै कप्तान देव खनालले ३५ र अर्जुन कुमालले १४ रन बनाउँदा विपिन रावलले २, आकाश त्रिपाठीले ३, गुल्शन झाले ३, दीपक बोहोराले ३, दुर्गेश गुप्ता ९ र आकाश चन्द शून्य रनमै पेभेलियन फर्किएका थिए । सुवास भण्डारी भने १८ रनमा अविजित रहे ।

नेपालले अफगानिस्तानलाई पराजित गर्दै सुपर सिक्समा स्थान बनाएको थियो ।

सुपर सिक्समा नेपालको खेल औपचारिकमात्र हुने भएको छ । यस समूहबाट भारत र पाकिस्तान सेमिफाइनल यात्रा सुनिश्चत गरेका छन् । नेपालले अर्को खेल शुक्रबार भारतसँग खेल्नेछ ।