उत्तर र दक्षिण कोरियाबीच रेल सेवा सञ्चालन हुने
- मंगलबार, १२ आषाढ, २०७५
- 2 years ago
- अन्तर्राष्ट्रिय
उत्तर र दक्षिण कोरियाबीच रेल सेवा सञ्चालनका विषयमा मङ्गलबार छलफल हुने भएको जनाइएको छ ।
दुइ कोरियालाई रेल सेवाले जोड्ने र आगामी दिनमा संयुक्त रुपमा र आधुनिक रुपमा सेवा सञ्चालन गर्ने विषयमा छलफल गर्न दुई कोरियाको रेवा सेवाका अधिकारीहरु मङ्गलबार एक बैठकमा बसेका हुन् ।
दक्षिण कोरियाली भू–भागमा पर्ने दुवै कोरियाको सीमा गाँउ पानुमजोममा अवस्थित ‘पिस हाउस’ मा मङ्गलबार बिहान १० बजेबाट यो बैठक सुरु भएको सोलबाट प्राप्त भएको समाचारमा जनाइएको छ ।
यस बैठकमा दुई कोरियाको पूर्वी र पश्चिमी क्षेत्रबाट रेलसेवा जोड्ने विषयमा कुराकानी भएको बताइएको छ । यो प्रयासका बारेमा यी देशबीच पहिलो पटक यसरी वार्ता भएको हो ।
दुवै कोरियाको पूर्वी र पश्चिमी क्षेत्रलाई जोड्नेगरी सुरुआत गरिने यस रेलसेवाको बारेमा सो बैठकमा कुराकानी हुनेछ ।
साथै यस बैठकमा उत्तर कोरियाको रेल सेवालाई आधुनिकीकरण गर्ने विषयमा पनि आवश्यक छलफल गरिने बताइएको छ ।
दुवै देशको रेलसेवा मन्त्रालयका उपमन्त्रीको नेतृत्वमा उत्तर र दक्षिण कोरियाका तीन÷तीन जना सदस्य यस वार्तामा सहभागी भएका छन् ।
दक्षिण कोरियाली अधिकारीहरुले उत्तर कोरियासँगको रेल सेवा जोड्ने विषयमा कुराकानी मात्र भएको तर अहिले नै सेवा सञ्चालन भइहाल्ने अवस्था भने नरहेको बताएका छन् ।
उत्तर कोरियामाथि संयुक्त राष्ट्रसंघ, अमेरिका र दक्षिण कोरियाको पनि आर्थिक, यातायात लागयतका धेरै विषयमा नाकाबन्दी कयमै छ ।
ती नाकाबन्दीहरु नहटाएसम्म उत्तर कोरियासँग आर्थिक, व्यापारिक र पारवहनसम्बन्धी कुनै पनि विषयहरुमा सहकार्य र सम्झौता नहुने बताएका छन् ।
यी दुई देश गएका केही महिनायतादेखि बडो नाटकीय रुपमा नजिक भएका छन् । गएको दुई महिनायता उत्तर कोरियाली नेता किम जोङ उन र दक्षिण कोरियाली राष्ट्रपति मुन जाय इनबीच दुई पटक भेटवार्ता भएको छ ।
त्यसैगरी दशकौँदेखिको एक किसीमले भन्दा सत्रु राष्ट्र नै रहेको भनिएको अमेरिका र उत्तर कोरियाबीच पनि यही जुन १२ मा सिङ्गापुरमा ऐतिहासिक शिखर वार्ता भएको छ ।
सो वार्तापछि भने उत्तर कोरियासँग अमेरिका, राष्ट्रसंघ र दक्षिण कोरिया पनि केही नरम हुने कैयौँ सङ्केतहरु देखिएका छन् । त्यसैले कतिपय नाकाबन्दीहरु हट्नेमा उत्तर कोरिया आशावादी रहेको बताइन्छ ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।
थप समाचार
आज छैटौं संविधान दिवस, प्रधानमन्त्रीले देसवासीको नाममा सम्बोधन गर्ने
- 38 minutes ago
काठमाडौं । आज असोज ३ गते अर्थात् संविधान दिवस । आज देशभर विभिन्न कार्यक्रम गरी छैटौं संविधान दिवस मनाइँदै छ ।
इराकको कमाइ बिर्साउने व्यवसाय
- 49 minutes ago
गलेश्वर । वैदेशिक रोजगारीका लागि सात वर्षअघि इराक गएका म्याग्दीको बेनी नगरपालिका–१ रत्नेचौर हुलाकेका नरबहादुर थापाको कमाइ राम्रै थियो ।
गण्डकी प्रदेशमा थप १५ जनामा कोरोना संक्रमण
- 1 hour ago
तनहुँ । गण्डकी प्रदेशमा थप १५ जनामा कोरोना भाइरसको संक्रमण पुष्टि भएको छ ।
पर्यटन
आन्तरिक पर्यटकको केन्द्र बन्दै तिनधारा झरना (फोटोफिचर)
पनौती । काभ्रेपलाञ्चोकको रोशी गाँउपालिका–२, काफलडाँडामा रहेको तिनधारा झरना आन्तरिक पर्यटकहरुको केन्द्र बन्न थालेको छ । सामाजिक सञ्जालमा आकर्षक झरनाको तस्बिर देखिपछि आफ्ना साथीसँग वा परिवारसँग झरनामा रमाउन आउनेहरुको भिड लाग्न थालेको छ ।
जीवनशैली
शनिबार गर्नै नहुने यी कामहरु !
काठमाडौं । शनिबार लाई धार्मिक दिन मानिन्छ । ब्रम्हाण्डमा अवस्थित ९ ग्रहको गुरु मानिने वृहस्पतिको दिन मानिने शनिबार धार्मिक दृष्टीले महत्वपूर्ण मानिन्छ ।
विचित्र विश्व
यो पढेपछि रिसाउन छोड्नु हुनेछ
एजेन्सी । भनिन्छ रिसले आफैलाई खान्छ । हामीलाई यो कुराको थाहा नै हुँदैन की हाम्रो दैनिक जिवनका स– साना बानीहरु पनि मृत्युको कारण बन्न सक्छन् ।
