बेलायती युनिभर्सिटीमा नेवारी भाषा र संस्कृतिबारे कार्यशाला

  • आइतबार, २७ जेष्ठ, २०७५
  • 2 years ago
  • युके

लण्डन । लण्डनस्थित सोआस युनिभर्सिटीमा शनिबार नेवारी भाषा (नेपाल भाषा) र संस्कृतिका सम्बन्धमा एक कार्यशाला सम्पन्न भएको छ । 

 

सोआस युनिभर्सिटी लण्डनको नेवारी भाषा सोसाइटीले पासा पुचः गुठी यूकेसंगको सहकार्यमा उक्त कार्यशाला आयोजना गरेको थियो । 

 

कार्यशालामा उक्त विश्वविद्यालयमा अध्ययनरत विद्यार्थीहरु र पासा पुचः गुठी यूकेका सदस्यहरुसहित करिब २ दर्जनको सहभागिता थियो । 

 

कार्यशालाको सुरुमा नेवारी भाषामा कसरी कुराकानी गर्ने भन्ने सम्बन्धमा आधारभूत  प्रशिक्षण गराइएको थियो । त्यसपछि पछिल्लो केहि वर्षदेखि नेवारी भाषाको अध्ययन गरिरहेकी इटालियन नागरिक म्यारीलिना फ्रिसोनले नेवार समुदायले मनाउने पर्व योमरी पुन्हीसम्बन्धी एक प्रिजेन्टेसन गरेकी थिइन् । 

 

 

 

कार्यशालाको दोस्रो चरणमा पासा पुचः गुठी , साउथ ईस्ट लण्डनका अध्यक्ष सुशिल प्रजापतिले नेवार समुदायमा खेलिने बागचाल लगायतका ३ प्रकारका विभिन्न परम्परागत खेलहरुबारे प्रिजेन्टेसन गरेका थिए । 

 

प्रजापतिले लाखे, ख्याक, भैरवनाच, कंकाल नाच लगायतका मौलिक नेवारी मुकुण्डो नाचहरु, तीनमा प्रयोग हुने मुकुण्डो र बजाइने बाजाहरुका सम्बन्धमा सहभागीहरुलाई विस्तृत जानकारी गराएका थिए । 

 

 

कार्यशालाका सहभागीहरुले पासाः पुच गुठी यूकेका उपाध्यक्ष ओजेश सिंहले तयार पारेको मौलिक नेवारी खाना समयबजीको स्वादमा रमाउने मौका पनि पाएका थिए । 

 

कार्यशालाको अन्त्यमा नेवारी भाषासम्बन्धी एक वृत्तचित्र देखाइएको थियो । लोपोन्मुख नेवारी भाषा कसरी संरक्षण गर्न सकिन्छ भन्नेबारे कार्यशालाका सहभागीले छलफल समेत गरेका थिए । 

 

सोआस युनिभर्सिटीको नेवारी भाषा सोसाइटीले नेवारी भाषा र संस्कृतिका सम्बन्धमा कार्यशाला आयोजना गरेको यो दोस्रोपटक हो । एक लोपोन्मुख भाषाका रुपमा नेवारी भाषाको संरक्षण गर्ने उद्धेश्यले यसको अध्ययन गरिरहेका विद्यार्थीहरुको सक्रियतामा यो सोसाइटीले यस्ता कार्यक्रम गर्दै आएको छ । 

 


थप समाचार

पूर्विय सभ्यता: विश्वविख्यात महापुरूषहरूको दृष्टिमा

  • 1 minute ago
पूर्विय सभ्यता: विश्वविख्यात महापुरूषहरूको दृष्टिमा

लेख्ने विषयको चयन गर्न नसकेर स्रष्टा सधै द्वन्द्वमा हुन्छन् । व्यक्ति लेख्ने कि समस्टी, विषय लेख्ने कि वस्तुता, वर्तमानमा रुमलिने कि अतीततिर चढ्ने, अथवा अनागततिर कल्पना प्रक्षेपण गर्ने... यस्ता दोधार

सेती नदी जलविद्युत् आयोजनाको काम जारी

  • 12 minutes ago
सेती नदी जलविद्युत् आयोजनाको काम जारी

कास्की । कोभिड–१९ रोकथामका लागि आह्वान गरिएको बन्दाबन्दीमै काम शुरु भएको २५ मेगावाट क्षमताको सेती नदी जलविद्युत् आयोजना आगामी भदौदेखि पूर्ण क्षमतामा शुरु हुने भएको छ ।

उपत्यका प्रवेश गर्ने साँगा नाकामा कडाइ

  • 27 minutes ago
उपत्यका प्रवेश गर्ने साँगा नाकामा कडाइ

काठमाडौं । विभिन्न जिल्लाबाट साँगा नाका हुँदै उपत्यका प्रवेश गर्न रोक लगाइएको छ । उपत्यकामा कोभिड–१९ को जोखिम बढ्दै गएपछि उपत्यका प्रवेश गर्ने नाकामा कडाइ गरिएको हो ।



प्रेम र यौन

ब्रत बसेको बेला किन यौनसम्पर्क गर्नु हुँदैन ?

ब्रत बसेको बेला किन यौनसम्पर्क गर्नु हुँदैन ?

नेपाली हिन्दू समाजमा विशेषतः महिलाहरू साउन लाग्ने बित्तिकै तथा अन्य महिनाका पर्व वा दिन विशेषमा ब्रत वा उपवास बस्छन् । लामो समयको ब्रतका बेला कतिपय यौन जोडीले यौन सम्पर्कको अनुभव लिन चाहेका हुन्छन् । ब्रतका समयमा महिलाहरू धार्मिक एवं मानसिक तवरमा यौन सम्बन्ध राख्न तयार नहुने हुनाले यौन सम्पर्क नराख्नु नै उपयुक्त मानिन्छ ।

जीवनशैली/स्वास्थ्य

गर्मीमा छालाको समस्या, कसरी गर्ने छालाको सुरक्षा

गर्मीमा छालाको समस्या, कसरी गर्ने छालाको सुरक्षा

चितवन । चितवनमा केही दिनदेखि तातो हावा चल्न थालेकाले जनजीवन अस्तव्यस्त बनेको छ । बढ्दो गर्मीका कारण छालाजन्य रोगबाट बच्न छालालाई घामबाट जोगाउन चिकित्सकले सुझाव दिएका छन् । गर्मीको मौसम छालाका लागि चुनौतीपूर्ण हुने चिकित्सकको भनाइ छ ।