एजेन्सी । अमेरिकाले बुधबार युक्रेनका लागि ३० करोड डलरको नयाँ सैन्य सहायता प्याकेज (लजिस्टिक सपोर्ट) घोषणा गरेको छ । राष्ट्रपति जो बाइडेनले युक्रेनका लागि सैन्य सहायताको नयाँ प्याकेज स्वीकृत गरेका छन् ।
यसमा ड्रोन लगायत हतियार र अन्य समावेश छन्।
यो सैन्य प्याकेज यस्तो समयमा आएको हो जब रुसले युक्रेनको राजधानीलाई निशाना बनाएको छ र युक्रेनी विमानले मस्कोलाई निशाना बनाएको छ ।
तर, बाइडेन प्रशासनले युक्रेनलाई अमेरिकी निर्मित हतियारहरू रुसी भूभागभित्र प्रयोग गर्न नहुने कुरा स्पष्ट गरेको बताएको छ।
ह्वाइट हाउसको राष्ट्रिय सुरक्षा परिषद्का प्रवक्ता जोन किर्बीले बुधबार भने, ‘हामीले उनीहरूलाई कहाँ आक्रमण गर्ने भन्ने कुरा बताएनौं। हामीले उनीहरूलाई कहाँ आक्रमण नगर्ने भनेर पनि बताउदैनौं। यो राष्ट्रपति जेलेन्स्की र उनका सैन्य कमाण्डरले निर्णय गर्ने कुरा हो ।
अमेरिकाले पनि सार्वजनिक रूपमा स्पष्ट गरिसकेको छ कि रसियाभित्र गरिने आक्रमणलाई समर्थन गर्दैनौं। उनले भने ।
