रेडिंग नेपाली समाजको पहिलो स्मारिका विमोचन
- सोमबार, ६ माघ, २०७६
- 8 months ago
- युके
लण्डन । ग्रेटर रेडिंग नेपाली समाजले आफ्नो पहिलो स्मारिका प्रकाशन गरेको छ ।
सन् २००१ मा स्थापित समाजले हालसम्म गरेका विभिन्न गतिविधि समेटिएको स्मारिका आइतबार एक कार्यक्रमबीच विमोचन गरियो ।
कार्यक्रमका प्रमुख अतिथि एनआरएनए यूके इंग्ल्याण्ड राज्य परिषद अध्यक्ष दिपक श्रेष्ठ, समाजका अध्यक्ष टेक गुरुङ, पूर्व अध्यक्षहरु र विशेष अतिथिहरुले स्मारिका विमोचन गरेका थिए ।
कार्यक्रममा विशेष अतिथिको रुपमा साहित्य संगम यूकेका संस्थापक विनोद अधिकारी, रेडिंग नेपाली समाजका पूर्व अध्यक्षहरु अर्जुन बस्नेत , मानबहादुर गुरुङ र कृष्ण न्यौपाने, सल्लाहकारहरु राम गलामी , क्याप्टेन सिबी पुन , जानकी कायस्थ र रामेश्वर थापा, वेम्ली नेपाली समाजका अध्यक्ष्य शंकर दाहाल लगायतको उपस्थिति थियो ।
कार्यक्रमको सुरुमा समाजका अध्यक्ष गुरुङले प्रमुख अतिथि श्रेष्ठलाई खादा लगाएर स्वागत गर्दै एनआरएनए इंग्ल्याण्ड राज्य परिषदको अध्यक्ष निर्वाचित भएकोमा बधाई ज्ञापन गरे । उपाध्यक्ष यादव श्रेष्ठले स्वागत मन्तव्य दिए भने पूर्व अध्यक्षहरु अर्जुन बस्नेत , मानबहादुर गुरुङ र कृष्ण न्यौपानेले शुभकमना मन्तव्य राखे ।
कार्यक्रमका प्रमुख अतिथि दिपक श्रेष्ठले एनआरएनएलाई सबै नेपाली समुदायहरुमाझ पुर्याउनु नै इंग्ल्याण्ड राज्य परिषदको प्रमुख लक्ष्य रहेको बताए । भावी दिनमा समाज र एनआरएनएबीच एकआपसमा सहयोग र सहकार्य हुंदै जाने विश्वास अध्यक्ष श्रेष्ठले व्यक्त गरे ।
त्यसअवसरमा साहित्य संगम यूकेका संस्थापक विनोद अधिकारीले स्मारिकाको समालोचनात्मक विवेचना गरेका थिए ।
कवि लाल गुरुङ, कवियत्री निर्मला न्यौपाने र लक्ष्मी पौडेलले आआफ्ना रचना पाठ गरेका थिए । यसैगरी स्मारिकाभित्र समाहित मनी सुवेदीको युवा र ओमकार अधिकारीको “सत्ता अब चलाउनेछु मैले “ शीर्षकका कविताहरु पनि प्रस्तुत गरिएका थिए ।
कार्यक्रमका अध्यक्ष टेक गुरुङले कार्यक्रमका सहभागी सबैलाई धन्यवाद ज्ञापन गर्दै संस्था स्थापनाको १९ वर्षमा पहिलोपटक प्रकाशित स्मारिका आगामी अंकहरुमा सुधार गर्दै लैजाने बताए ।
कार्यक्रमको सञ्चालन समाजका महासचिव ओमकार अधिकारीले गरेका थिए ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।
थप समाचार
क्यानको बोर्ड बैठक चितवनमा बस्ने
- 5 minutes ago
लकडाउन खुकुलो भएपछि पहिलोपटक बोर्ड बैठक बस्न लागेको हो । बैठकका लागि देशका विभिन्न जिल्लाबाट पदाधिकारी तथा सदस्य चितवन आइसकेका छन् ।
मन्त्रिपरिषद् बैठक बस्दै
- 15 minutes ago
काठमाडौँ । आज मन्त्रिपरिषद्को बैठक बस्दैछ । प्रधानमन्त्रीको सरकारी निवास बालुवाटारमा साढे ९ बजेपछि मन्त्रिपरिषद्को नियमित बैठक बस्न लागेको हो । आजको बैठकमा राष्ट्रिय पुननिर्माण प्राधिकरणको समय
लमजुङमा चट्याङ लागेर एक जनाको मृत्यु
- 48 minutes ago
लमजुङ । गण्डकी प्रदेशअन्तर्गत पहाडी जिल्ला लमजुङमा चट्याङ लागेर एकको मृत्यु भएको छ ।
पर्यटन
तालपोखराका माछा अवलोकन गर्दै आन्तरिक पर्यटक
रामपुर । लामो समयपछिको बन्दाबन्दी खुकुलो भएपछि पर्यटकीय क्षेत्र पाल्पा रामपुरको तालपोखरामा रहेका माछा अवलोकन गर्दै आन्तरिक पर्यटकहरु । तस्वीरः सुशीला रेग्मी, रासस
जीवनशैली
टमाटर प्रयोग गर्नुका पाँच नोक्सानीहरु
एजेन्सी–टमाटर प्राय धेरैको भान्छामा देखिन्छ । यसलाई प्रयोग गर्ने मानिसहरुलाई प्राय यसको बेफाइदाबारे भने कमै थाहा छ । यसले गर्ने नोक्सानी थाहा पाएपछि जति नै महँगो टमाटर किन नहोस् तपाईमा एकखाले खुसी भने छाउनेछ ।
विचित्र विश्व
के पुनर्जन्म हुन्छ ?
एजेन्सी । पुर्नजन्म अथवा पुर्वजन्मको कुरा याद आएका घटनाहरू समय समयमा आइरहन्छन् । विज्ञानले यस्तो कूरालाई पुर्ण रूपमा स्वीकार गर्दैन तर वेद पुराणमा मानिसको आत्माको यात्रा निरन्तर चलिरहने कुरा स्पष्ट रूपमा लेखिएको छ ।
