श्रीमतीको हत्या गर्ने श्रीमान पक्राउ

काठमाडौँ । श्रीमतीको हत्या गरेको आरोपमा कास्की प्रहरीले श्रीमानलाई पक्राउ गरेको छ ।

पक्राउ पर्नेमा म्याग्दी घर भइ कास्की पोखरा महानगरपालिका–२९ नौबिसे चोक बस्ने ३६ वर्षीय नरबहादुर घर्ती रहेका छ्न् ।

बिहीबार नरबहादुरले आफ्नी श्रीमतीको घाँटी थिचेर हत्या गरेको आरोपमा उनलाई पक्राउ गरिएको र उनीमाथि थप अनुसन्धान भइरहेको जिल्ला प्रहरी कार्यालय कास्कीका प्रमुख मोहन कुमार थापाले बताए ।