वाइन कण्डमबारे थाहा पाउनु भएको छ ?

• बिहीबार, ५ बैशाख, २०७६
• 3 years ago
• विचित्र विश्व

एजेन्सी । कण्डम भन्ने वित्तिकै झट्ट याद आउने विष हो– सेक्स । कण्डमलाई परिवार नियोजनको भरपर्दो साधनको रुपमा अथ्र्याइन्छ । तर, अब शारीरिक सम्पर्कका बेला मात्रै होइन पेय पदार्थ वियरको सुरक्षाको लागि पनि कण्डम प्रयोग हुन थालेको छ । 

 

अब वाइनको बोतल खोलेर पुरै खान सकिएन भने पनि अब चिन्ता लिइरहनु पर्दैन । बजारमा आएको वाइन कन्डमले तपाइले राखेको वियर सुरक्षित राखिदिन्छ ।

 

बोतल खोलिसकेको बासी वाइन कसैलाई पनि मनपर्दैन । तर, अब बाइनको बोतलमा वाइन कण्डम लगाएपछि त्यो वाइन न त बासी हुन्छ न त स्वाद नै विग्रन्छ । 

 

कन्डम जस्तै देखिने यो उपकरण रबरबाट बनेको हुन्छ । सुनौलो प्याकेटमा बजारमा पठाइएको यसको प्याकेजिङ र बनावट पनि कण्डम जस्तै छ । 

 

वाइन कन्डम सन् २०१४ मा बनेपनि सर्वसाधारण उपभोक्ताको लागि बजारमा भर्खरै मात्र आएको हो । ६ वटा वाइन कन्डमको प्याकलाई अमेजन र वाइन कन्डम वेबसाइटमार्फत १० डलरमा खरिद गर्न सकिन्छ । 

 

यसले प्रयोगकर्ताहरुबाट राम्रो प्रतिक्रिया पाएको छ । किनभने यो प्रयोग गर्न सजिलो छ । बोतलमा फेरि बिर्को लगाँउदा हुने झन्झट मात्रै होइन बिर्कोको टुक्राहरु वाइनमा परेर तैरिने समस्या भोग्नु भन्दा वाइन कन्डमको प्रयोग निकै सरल र सहज भएको प्रयोगकर्ताहरुले बताएका छन् ।

 

निर्माता मिचेल स्टाहानले आफ्नो वेबसाइटमा जनाए अनुसार बजारमा अत्याधिक मागको कारण यसको स्टक सकिएको छ । क्रिसमस र नयाँ वर्षको बिदा लगत्तै वाइन कण्डम फेरि बजारमा उपलब्ध हुने बताइएको छ । 

 

• Wine

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।