गृहमन्त्रीको राजीनामा एमालेले मागिरहन्छः एमाले प्रमुख सचेतक

काठमाडौँ। प्रमुख प्रतिपक्षी दल नेकपा एमालेका प्रमुख सचेतक पदम गिरीले उपप्रधान तथा गृहमन्त्री नारायणकाजी श्रेष्ठको राजीनामा एमालेले मागिरहने बताएका छन्।

बुधबार बसको एमाले संसदीय दलको बैठकपश्चात् संक्षिप्त कुराकानी गर्दै उनले यस्तो बताएका हुन्। सुन तस्करी काण्डमा गृहमन्त्रीको संलग्नता स्पष्ट भएको भन्दै उनी कुर्सीमा बस्न योग्य नभएको एमालेको निष्कर्ष छ।

‘गृहमन्त्री संलग्न भएको स्पष्ट छ। त्यसकारण उहाँ कुर्सीमा बस्न योग्य हुनुहुन्न भन्ने कुरा भयो। राजीनामा हामीले मागेकै छौँ, मागिरहन्छौँ।’ प्रमुख सचेतक गिरीले भने।