संसदको अवरोध खुलाउन पहल गर्ने माओवादी केन्द्रको निर्णय

काठमाडौँ। नेकपा माओवादी केन्द्रले संसदको अवरोध हटाउन र संसदीय समितिका सभापति चयनका गर्न पहल गर्ने निर्णय गरेको छ। सोमबार बिहान बसेको संसदीय दलको बैठकले यस्तो निर्णय गरेको हो।

प्रमुख प्रतिपक्ष दल नेकपा एमालेले अवरोध गर्दै आएको संघीय संसदअन्तर्गत प्रतिनिधि सभा र राष्ट्रिय सभा सुचारू गर्न सत्तापक्ष र प्रमुख प्रतिपक्षी दलहरूसँग छलफल गर्ने निर्णय गरेको हो। सुन प्रकरणमा उच्चस्तरीय छानबिन समिति गठन गर्न माग गर्दै प्रमुख प्रतिपक्षी नेकपा एमालेले प्रतिनिधि सभा र राष्ट्रिय सभा अबरूद्ध गर्दै आइरहेको छ।

प्रमुख सचेतक हितराज पाण्डेले सदन सुचारू गर्न ठोस छलफल गर्ने निर्णय भएको जानकारी दिए।