एमालेको विरोधपछि आज पनि प्रतिनिधिसभा बैठक स्थगित

काठमाडौँ। प्रमुख प्रतिपक्षी दल नेकपा एमालेको विरोधपछि आज पनि प्रतिनिधिसभा बैठक स्थगित भएको छ। सुन तस्करी प्ररकणमा उच्चस्तरीय छानबिन समितिको माग राख्दै एमालेले सदन अवरोध गरेको हो।

बैठकमा नेकपा एमालेले नेपाली कांग्रेसका सांसद सुनिल शर्मा पक्राउ गरेकोप्रति आपत्ति जनाइन्। बैठकमा बोल्दै सांसद ज्वालाकुमारी शाहले शर्मालाई पक्राउ गरेको प्रति आपत्ति जनाएकी हुन्। उनले सुनकाण्डको आवाज उठाउने शर्मालाई पक्राउ गरिएकोमा आपत्ति जनाएकी हुन्।

एमालेका सांसदहरूले नाराबाजी गर्दै रोष्ट्रम घेराउ गरेका थिए। एमालेकी सांसद ज्वालाकुमारी शाहले छानबिन समिति गठन नगरेसम्म सदन नचल्ने बताइन्।

सांसद शाह बोल्दै गर्दा सत्तापक्षका सांसदहरुले पनि विरोध जनाएका थिए। एमाले सांसद शाहलाई बोल्न समय दिएलगत्तै सत्तारुढ दलका सांसदहरुले उठेर विरोध गरे। त्यसपछि सभामुखले नियमको पालना गर्न आग्रह गरेका थिए।

एमाले सांसदहरूको निरन्तर नाराबाजीपछि सभामुखले साउन २९ गते दिउँसो १ बजेसम्मका लागि बैठक स्थगित गरेका छन्।