मुख्यमन्त्री कार्कीको सपथ आज साँझ

काठमाडौँ। कोशी प्रदेशका मुख्यमन्त्री हिक्मत कार्कीको शपथ शुक्रबार साँझ ६ बजे हुने भएको छ। सर्वोच्च अदालतले संविधानको धारा १६८ (३) बमोजिम सरकार बनाउन परमादेश दिएपछि एमाले संसदीय दलका नेता कार्की दोस्रोपटक मुख्यमन्त्री बन्ने भएका हुन्।

सर्वोच्च अदालतको परमादेशपछि उनको सपथ ग्रहणको तयारी भएको हो। बिहीबार सर्वोच्च अदातलले कोशी प्रदेश सभाको सबैभन्दा ठुलो दलका नेता हिक्मत कार्कीलाई ४८ घण्टा भित्र मुख्यमन्त्री नियुक्त गर्न परमादेश जारी गरेको थियो।

मुख्यमन्त्रीको सपथ ग्रहणसँगै कार्कीले आज २ जना मन्त्री नियुक्त गर्ने तयारी गरेका छन्। एमाले श्रोतका अनुसार तिलकुमार मेन्याङ्वो र एकराज कार्कीलाई मन्त्री बनाउने तयारी छ। मेन्याङ्गो कार्की नेतृत्वको सरकारमा समेत मन्त्री थिए।