कांग्रेस केन्द्रीय कार्यसमिति बैठक दुई दिन पर सर्‍यो

काठमाडौँ। नेपाली कांग्रेस केन्द्रीय कार्यसमितिको बैठक असोज ४ गते बस्ने भएको छ। असोज २ गतेको लागि तय भएको बैठक दुई दिन पर धकेलिएको हो।

बैठक असोज ४ गते दिउँसो १ बजे बस्ने पार्टी कार्यालयका मुख्य सचिव कृष्णप्रसाद पौडेलले विज्ञप्ति निकालेर जानकारी गराएका छन्।

विज्ञप्तिमा बैठक सरेको जानकारी गराउँदै उक्त बैठकमा पार्टी केन्द्रीय कार्यसमितिका पदाधिकारी एवं सदस्यहरूको उपस्थितिका लागि भनिएको छ।