‘अझै पनि राजतन्त्र फर्काउन सकिन्छ भनेर पूर्वराजा ज्ञानेन्द्र शाहले दाउ हेरिरहेका छन्’

नवलपुर । नेकपा (एकीकृत समाजवादी) का सम्मानित नेता एवं पूर्व प्रधानमन्त्री झलनाथ खनालले नेपालमा राजतन्त्र फर्किने सम्भावना नरहेको बताएका छन् । उनले अझै पनि राजतन्त्र फर्काउन सकिन्छ भनेर पूर्वराजा ज्ञानेन्द्र शाहले दाउ हेरिरहेको आरोप लगाए ।

पार्टीको मेची–महाकाली जागरण अभियान तथा संगठन विस्तार कार्यक्रमलाई नवलपुरको कावासोतीमा सम्बोधन गर्दै नेता खनालले उक्त धारणा राखेका हुन् ।

उनले भने, विगतको राजतन्त्र इतिहासको कठघरामा पुगेर भासियो । अब त्यस्तो कल्पना गर्नु वेकार हो ।

उनले अगाडि भने, अहिलेको शासन व्यवस्थाले गरिब झन गरिब र धनीहरु दिनदिनै धनी हुँदैजाँदा शासन व्यवस्थामा असन्तुलन देखिएको छ । त्यसलाई समाधान गर्न समाजवादको लक्ष्यमा पुग्न मेरो पार्टीले अग्रसरता लिएको छ ।