सरकार महँगी नियन्त्रण गर्न असफल भयोः प्रदीप पौडेल

काठमाडौँ। नेपाली कांग्रेसका सांसद प्रदीप पौडेलले सरकार महँगी नियन्त्रण गर्न असफल भएको बताएका छन्। प्रतिनिधिसभाको बैठकमा बोल्दै उनले यस्तो बताएका हुन्।

सरकारसँग जनताको आश पनि नभएको उनको भनाई छ। सांसद पौडेलले भने, ‘महँगीको बारेमा जति कुरा गरे पनि सरकारले नियन्त्रण गर्न सकेन। जनतामा खास आशा पनि छैन।’

उनले पछिल्लो समय प्रविधिको माध्यमबाट हुने ठगी नियन्त्रण गर्न सरकारसँग माग गरेका छन्। उनले भने, ‘ठगीको नयाँ धन्दा सुरु भएको छ। टिकटक फेसबुकलगायत सामाजिक सञ्जालमा सामान किन भनेर विज्ञापन गर्ने, अनलाइनको माध्यमबाट पैसा भुक्तानी गरेपछि सामान पनि प्राप्त नहुने एकाउन्ट बन्द हुने प्रवृत्ति बढेको छ। सरकारले यस्तो ठगीलाई नियन्त्रण गर्न सम्बन्धित निकायलाई सक्रिय बनाओस्।’