विराटनगर। नेकपा माओवादी केन्द्रले कोशी प्रदेशका नवनियुक्त मुख्यमन्त्री केदार कार्कीलाई विश्वासको मत दिने भएको छ। मुख्यमन्त्री कार्कीले बुधबार प्रदेशसभाबाट विश्वासको मत लिने तयारी गरेका छन्।
कांग्रेसका ८ विद्रोही सांसद र एमालेको साथ र सहयोगमा कार्की प्रदेश मुख्यमन्त्री नियुक्त भएका थिए।
प्रदेश सरकारको अन्तिम विकल्प संविधानको धारा १६८ को उपधारा (५) अनुसार शनिबार मुख्यमन्त्री नियुक्त भइ आइतबार सपथ लिएका कार्कीले एमाले र आफ्नो पार्टीका विद्रोहीलाई समेटेर तत्काललाई तीन सदस्यीय मन्त्रिमण्डल पनि बनाएका छन्। उनलाई अिन्तम समयमा गठबन्धन दलले गठबन्धनकै मुख्यमन्त्री बनाउन आग्रह गरेपनि उनले एमालेका नेतालाई मन्त्री बनाएर अगाडी बढेपछि संसय छ।
प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डले कार्की गठबन्धनकै मुख्यमन्त्री हुने र तत्काल
कोशीमा कुनै सर्वदलीय सरकार नबन्ने बताईरहेका बेला कार्कीले भने आफुले सक्दो सहमतिको सरकार बनाउन पहल गर्ने भन्दै आफुलाई सहयोग गरेकालाई लिएर पहिलो चरणमा सरकार विस्तार र प्रदेशसभामा विश्वासको मत लिन लागेका हुन्।
त्यसपछि गठबन्धन दल त्यसमा पनि मुख्यमत माओवादीले के गर्ला भन्ने अहिले चासो बढिरहेका बेला कोशी माओवादीका पदाधिकारी बैठकले विश्वासको मत दिएर जाने निश्कर्ष निकालेको हो। सामेबार बिहान माओवादीको कोशी प्रदेश पदाधिकारीको बैठक बसेको थियो।
