पहिलो पटक सांसद गाउँमा पुगेपछि नाकछेडाबासी हर्षित

काठमाडौं । थाहा नगरपालिका भएर पनि विकासका दृष्टिले पछि परेको गाउँ नाकछेडामा आजसम्म कुनैपनि सांसद गाउँ आएका थिएनन् । यो पटक भने त्यस्तो भएन १ सांसद महेश कुमार बर्तौला थाहाका अगुवाहरुसहित विकट माकछेडा पुगेपछी स्थानीय हर्षित भए ।

सांसद बर्तौलाले आज दिउँसो करिब २ घण्टा स्थानीयहरुसङ्ग विभिन्न बिषयमा छलफल गरेका थिए । स्थानीयहरुले सडक बाटो निर्माण, खानेपानी पुर्वाधार निर्माण तथा विद्यालयको भवनहरु निर्माण गर्दिन माग गरेका थिए ।

एमाले सचेतक समेत रहेका बर्तौलाले त्यसैलाई पूरा गर्न आफूले सरकारसङ्ग कुरा गर्ने आश्वासन व्यक्त गरेका थिए । बर्तौला पहिलोपटक मकवानपुर २ बाट निर्वाचित युवा सांसद हुन् ।

नाकछेडा गाउँ थाहा नगरपालिकाको ११ नम्बर वडामा पर्दछ भने यो गाउँ धादिङको थाक्रे गाउँपालिकाको नजिक पर्दछ ।