दुर्गा प्रसाईको कार्यक्रममा राप्रपा प्रवक्ता ज्ञानेन्द्र शाही

काठमाडौँ। मेडिकल ब्यवसायी दुर्गा प्रसाईको नेतृत्वमा भइरहेको नागरिक बचाऊ अभियानमा राष्ट्रिय प्रजातन्त्र पार्टी (राप्रपा)का सांसद समेत रहेका प्रवक्ता ज्ञानेन्द्र शाही पनि सहभागी भएका छन्। बल्खुमा भइरहेको प्रदर्शनमा शाही पनि पुगेका हुन्।

प्रसाईको आन्दोलनलाई लिएर राप्रपामा दुई धार देखिए पनि शाही भने सहभागी भएका हुन्। राप्रपाको संस्थापन पक्षले प्रसाईप्रति अविश्वास गरे पनि संस्थापक तथा वरिष्ठ नेता डा. प्रकाशचन्द्र लोहनी, वरिष्ठ उपाध्यक्ष रविन्द्र मिश्रलगायत नेताहरुले समर्थन गर्नुपर्ने पक्षमा खुलेका थिए।

राप्रपा अध्यक्ष राजेन्द्र लिङ्देनसहित अधिकांश नेताहरूले भने पूर्वराजा ज्ञानेन्द्र शाहलाई मंसिर ९ गते झापामा लगेर कार्यक्रम गर्दैछन्।