अखण्ड भारतको नक्साबारे भारतसँग छलफल गरेको प्रधानमन्त्रीको दाबी

काठमाडौँ। प्रधानमन्त्री पुष्पकमल दाहाल प्रचण्डले भ्रमणको बारेमा अखण्ड भारतको नक्साबारे छलफल गरेको दाबी गरेका छन्। सोमबार प्रतिनिधिसभाको बैठकमा जारी बैठकमा बोल्दै प्रधानमन्त्रीले सो दाबी गरेका हुन्।

‘मोदी र म त्यहाँ पुगेकै छैनौँ। देखेको पनि छैन मैले त टिभीमा मात्रै देखेको हो। त्यो पनि नेपालमै। त्यहाँ गएर मैले र मोदीले फोटो खिचेको कुरा मोर देन झूटो हो’, प्रधानमन्त्रीले भने, ‘यो विषयमा मैले कुरा गरें। उहाँहरुको आफ्नै तर्क छ सांस्कृतिक एतिहासिक हो भन्ने। यो बारेमा हामी छलफल गर्दै जान पनि सकिन्छ। कयौं राजनीतिक विषयमा छलफल भयो। विश्वासको वातावरण बन्दै गएपछि छलफल गछौं। मलाई अप्ठ्यारोमा पारेर कुचुक्क पार्दिएँ फाइदा हुन्छ भन्ने नठान्नुहोला।’