प्रधानमन्त्री प्रचण्डले मागे विश्वासको मत

काठमाडौँ । प्रधानमन्त्री पुष्पकमल दाहाल प्रचण्डले विश्वासको मत मागेका छन् ।

प्रतिनिधिसभा बैठकमा प्रस्ताव प्रस्तुत गर्दै प्रधानमन्त्री प्रचण्डले विश्वासको मत दिन आग्रह गरेका हुन् । विश्वासको मत माग्न अघि प्रधानमन्त्री प्रचण्डले राष्ट्रिय समस्याहरूको समाधानका लागि सबै एक ठाउँमा उभिनुपर्ने बताएका थिए । नेपाली कांग्रेससँगको गठबन्धन तोडेर नयाँ सत्ता समीकरण बनेपछि प्रधानमन्त्रीले विश्वासको मत लिन लागेका हुन् ।

विश्वासको प्रस्तावमा छलफल गर्न दुई घण्टाको समय दिइएको छ ।