गल्ती सच्याउँदै इतिहास दोहोरिन नदिन बाबुराम भट्टराईको आह्वान

काठमाडौँ । नेपाल समाजवादी पार्टीका अध्यक्ष डा. बाबुराम भट्टराईले गल्ती सच्याउँदै इतिहास दोहोरिन नदिन आह्वान गरेका छन् ।

विगतका राजनीतिक परिघटना स्मरण गर्दै उनले देशको आर्थिक÷सामाजिक रुपान्तरणको काम अँधुरै रहँदा युवामा चरम निराशा छाएर विदेश पलायन बढेको बताएका छन् । सामाजिक संजालमा लामो स्टाटस लेख्दै डा. भट्टराईले हिजोका अधिकांश क्रान्तिकारीहरू नयाँ सत्ताको चास्नीमा डुब्दै गएको टिप्पणीसमेत गरेका छन् ।

‘बाबुरामहरू जस्ता केही ‘मूर्ख’ हरू नयाँ ढंगले राजनीतिको अग्रगामी पुनर्संरचना गरौं र नयाँ आर्थिक क्रान्ति गरौं भनेर हारगुहार गरिरहेछन् ! तर त्यो अरण्यरोदन बनिरहेछ !’, उनले लेखेका छन् ।