कांग्रेसको अवरोधपछि प्रतिनिधि सभा बैठक १५ मिनेटको लागि स्थगित

काठमाडौँ । प्रतिनिधि सभाको १५ मिनेटको लागि स्थगित भएको छ । प्रमुख प्रतिपक्षी नेपाली कांग्रेसले सहकारी प्रकरणमा संसदीय छानबिन समिति गठनको माग गर्दै विरोध जनाएपछि सभामुख देवराज घिमिरेले बैठक १५ मिनेटको लागि स्थगित गरेका हुन् ।

बैठकको सुरुमा सचेतक सुशीला थिङले सहकारी प्रकरणमा निष्पक्ष छानबिन गर्न संसदीय समिति गठनको माग गरेकी छन् । उनले समिति गठन नभए बैठक अवरोध हुने पनि बताइन् ।

सभामुख देवराज घिमिरेले थिङपछि रास्वपा सांसद मनिष झालाई बोल्न समय दिएका थिए । लगत्तै कांग्रेस सांसदहरू बसेको ठाउँबाट उठेर अवरोध गरेका छन् ।