रास्वपा सरकारमा सहभागी हुने कुनै योजना छैनः रवि लामिछाने

काठमाडौँ। राष्ट्रिय स्वतन्त्र पार्टी (रास्वपा)का सभापति रवि लामिछानेले सरकारमा सहभागी हुने कुनै योजना नरहेको प्रष्ट्याएका छन्।
बिहीबार काठमाडौँमा संसदीय मामिला पत्रकार समाजको नवनिर्वाचित कार्यसमितिलाई बधाई तथा शुभकामना दिँदै उनले यस्तो बताएका हुन्।

सभापति लामिछानेले अहिले पार्टी विस्तारलगायत अन्य आन्तरिक काममा रास्वपाको ध्यान केन्द्रित रहेको बताउँदै सरकारको स्थायित्वको पक्षमा आफूहरु रहेको बताए।

‘सरकारमा सहभागी हुने योजना छैन। पार्टीभित्र पनि कुनै छलफल भएको छैन। तर, सरकारको स्थायित्वको पक्षमा भने रास्वपा छ’, उनले भने।

त्यस्तै, रास्वपा अहिले प्रतिपक्षमा रहेको भन्दै सबै प्रतिपक्षीको एजेण्डा समान हुन नसक्ने उनको भनाइ छ।