मिटरब्याजीहरूलाई कडाभन्दा कडा कारबाही हुनुपर्छः रवि लामिछाने

काठमाडौँ। राष्ट्रिय स्वतन्त्र पार्टीका सांसद् रवि लामिछानेले मिटरब्याजीहरूलाई कडाभन्दा कडा कारबाही हुनुपर्ने बताएका छन्। शुक्रबार प्रतिनिधिसभा बैठकमा बोल्दै लामिछानेले यस्तो बताएका हुन्।

तत्काल मिटरब्याज पीडितको पक्षमा विधेयक नल्याए सदन अवरोध गर्ने चेतावनी दिँदै लामिछानेले भने, ‘मिटरब्याज पीडितको पक्षमा शून्यमा ल्याइएको विधेयक यथासिघ्र ल्याइयोस्, नत्र अर्को बैठक चल्न दिने छैनौं।’

सत्ता पक्षले नै विधेयक रोक्न खोजेको गाइगुईँ सुन्नमा आएको उनको भनाइ। मिटरब्याजको अध्यादेश शून्यमा गएको भन्दै आफूहरु सदैव पीडितका पक्षमा रहेको बताए।

मिटरब्याजको पीडाबाट नागरिकहरु जीवनमरणको दोसाधमा रहेको लामिछानेको भनाइ छ।