महिला विश्वकपको उद्घाटन खेलमा न्युजिल्यान्डले नर्वेलाई हरायो

काठमाडौँ। फिफा महिला विश्वकपको उद्घाटन खेलमा न्युजिल्यान्डले नर्वेलाई पराजित गरेको छ। हाना विल्कसनको गोलमा न्युजिल्याण्डले नर्वेलाई १–० गोलले हराएको हो।

न्युजिल्यान्डको अक्ल्यान्डस्थित इडेन पार्कमा भएको खेलको पहिलो हाफ गोलरहित बराबरीमा टुंगिएको थियो। न्युजिल्यान्डका लागि विल्कसनले ४८औं मिनेटमा गरेको गोल नै निर्णायक बन्यो। ज्याकी ह्यान्डले दिएको पासलाई विल्कसनले गोलका परिणत गरेकी थिइन्।

खेलको अन्तिम मिनेटका न्युजिल्यान्डले पेनाल्टी पाएको थियो। तर, रिया पर्सिभाल पेनाल्टीमा चुकिन्।