पिएसजीको प्रि सिजन टुरमा एमबाप्पे गएनन्

एजेन्सी । स्टार खेलाडी काइलियन एमबाप्पे पिएसजी क्लब छोड्ने तयारी गरेको बताइएको छ । मिडिया रिपोर्टका अनुसार उनी प्रि सिजन टुरको टिममा सहभागी नभएको समेत बताइएको छ ।

जापान र दक्षिण कोरियाका लागि जाने टिममा उनी छैनन् । रिपोर्टका अनुसार उनलाई क्लबले बेच्न चाहेको प्रष्ट रुपमा नै बाहिर आएको छ ।

उनी र क्लबबीचको सम्झौता सकिन एक वर्ष बाँकी रहेको छ ।

उनलाई अनुबन्ध गर्न रियल मड्रिड, लिभरपुल, चेल्सी लगायत अन्य क्लबहरुले चासो देखाएको समेत मिडिया रिपोर्टमा उल्लेख छ । सन् २०१७ मा पिएसजीले उनलाई १६७.७ मिलियन पाउण्डमा अनुबन्ध गरेको थियो ।

उनले सम्झौता नविकरण नगर्ने मनसाय बनाएसँगै क्लबले उनलाई बेच्ने तयारी गरेको हो । उनलाई अनुबन्ध गर्न रियलले अग्रणी चासो देखाइरहेको छ ।