अग्रता उल्ट्याउँदै रियलले मिलानलाई हरायो

एजेन्सी । मैत्रीपूण फुटबल अन्तर्गत रियल मड्रिडले जित निकालेको छ । सोमबार बिहान सम्पन्न खेलमा स्पेनिस क्लब रियलले इटालियन क्लब एसी मिलानलाई ३–२ गोलले पराजित गरेको हो ।

क्यालिफोर्नियास्थित रोज वोल स्टेडियममा २ गोलले पछि परेको अवस्थामा रियलले जित निकालेको हो ।

खेलको २५ औं मिनेटमा फिकायो टोमोरीले गोल गर्दै मिलानलाई सुरुवाती अग्रता दिलाएका थिए । यस्तै, ४२ औं मिनेटमा लुका रोमेरोले गोल गर्दै मिलानको अग्रता दोब्बर पारे ।

यता, ५७औं र ५९ औं मिनेटमा फेडेरिको भाल्भर्देले गोल गर्दै रियललाई २–२ को बराबरीमा ल्याए । यस्तै, ८४ औं मिनेटमा भिनिसियस जुनियरले गोल गर्दै रियललाई जित दिलाए ।