लाइप्जिगसँग हारबाट जोगियो बायर्न

एजेन्सी । जर्मन फुटबल लिग बुन्डेसलिगा अन्तर्गत बायर्न म्युनिखले बराबरी खेलेको छ । गएराति भएको खेलमा बायर्नले आरबी लाइप्जिगसँग २–२ गोलको बराबरी खेल्दै अंक बाँडेको हो ।

लाइप्जिगको घरेलु मैदानमा भएको खेलमा बायर्न पहिलो हाफमा २–० गोलले पछि परेको थियो । खेलको २० औं मिनेटमा लोइस ओपेन्डाले गोल गर्दै लाईप्जिगलाई सुरुवाती अग्रता दिलाएका थिए । यस्तै, २६ औं मिनेटमा कास्टेलो लुकेवाले गोल गर्दै लाइप्जिगको अग्रता दोब्बर पारे ।

दोस्रो हाफमा बायर्न खेलमा फर्कियो । ५७ औं मिनेटमा ह्यारी केनले पेनाल्टीमार्फत गोल गर्दै बायर्नको अग्रता १–२ मा झारे । ७० औं मिनेटमा लेरोइ सानेले गोल गर्दै बायर्नलाई २–२ को बराबरीमा ल्याउँदै हारबाट जोगाए ।

यो नतिजासँगै बायर्न ६ खेलबाट १४ अंकका साथ तालिकाको तेस्रो स्थानमा रहँदा समान खेलबाट १३ अंक जोडेको लाइप्जिग पाँचौं स्थानमा छ ।