एसियाड क्रिकेटको फाइनलमा भारत र अफगानिस्तान भिड्ने

काठमाडौँ। चीनमा जारी १९ औं एसियाली खेलकुद अन्तर्गत टी–२० क्रिकेटको उपाधिको लागि भारत र अफगानिस्तान भिड्ने भएका छन्।

शुक्रबार भएका दुई खेलमा भारतले बंगलादेशलाई हराउँदै र अफगानिस्तानले पाकिस्तानलाई हराउँदै उपाधिको लागि प्रतिष्पर्धा गर्ने भएका हुन्।

अफगानिस्तानले पाकिस्तानलाई ४ विकेटले पराजित गरेको हो। टस जितेर पहिले फिल्डिङ रोजेको पाकिस्तानले १८ ओभरमा अलआउट ११६ रन बनाएको थियो। उक्त लक्ष्य अफगानिस्तानले १८.५ ओभरमा ६ विकेट गुमाएर पूरा गर्यो।

त्यस्तै, शुक्रबार बिहान भएको खेलमा भारतले बंगलादेशमाथि ९ विकेटको सहज जित हात पार्दै एसियाड अन्तर्गत पुरुष फाइनलमा पुगेको छ।