Techie IT
२०८२ असार ३१, मंगलबार
NepaliPatra logo
गृहपृष्ठखेलक्रिकेट विश्वकपः दक्षिण अफ्रिका र अष्ट्रेलियाबीच भिडन्त

क्रिकेट विश्वकपः दक्षिण अफ्रिका र अष्ट्रेलियाबीच भिडन्त


एजेन्सी । विश्वकप २०२३ मा आज बिहीबार अष्ट्रेलिया र दक्षिण अफ्रिकाबीच खेल हुँदैछ । यो खेल भारत रत्न श्री अटल बिहारी वाजपेयी एकना स्टेडियम, लखनउमा दिउँसो २ः१५ बजेबाट सुरु हुनेछ । टस आधा घण्टा अगाडि अर्थात् दिउँसो १ः४५ बजे हुनेछ ।

विश्वकपमा दुवै टोलीको यो दोस्रो खेल हो । पहिलो खेलमा अस्ट्रेलिया भारतसँग ६ विकेटले पराजित भएको थियो । जहाँ दक्षिण अफ्रिकाले श्रीलंकालाई १०२ रनको ठूलो अन्तरले पराजित गरेको थियो । विश्वकपअघि अस्ट्रेलियाली टोलीले दक्षिण अफ्रिकासँग शृङ्खला हारेको थियो ।

हेड टु हेड
एकदिवसीय विश्वकपमा हालसम्म यी दुई टोलीबीच ६ खेल भएका छन् । अष्ट्रेलियाले तीन पटक र दक्षिण अफ्रिकाले दुई पटक खेल जितेका छन् । एक खेल बराबरी भएको थियो । समग्रमा हेड टु हेडको कुरा गर्ने हो भने दुई टोलीबीच हालसम्म जम्मा १०८ ओडीआई खेलिएको छ । अस्ट्रेलियाले ५० र दक्षिण अफ्रिकाले ५५ खेल जितेको छ । तीन खेलको बराबरी र एक खेल अनिर्णित रह्यो ।

दक्षिण अफ्रिकाले पछिल्ला ५ मध्ये अन्तिम चार खेल लगातार जितेको छ । एकमा हार बेहोरेको छ । यदि टोलीले आज जित्यो भने यो उसको लगातार पाँचौं जित हुनेछ । ब्याटिङको कुरा गर्ने हो भने २०२३ मा दक्षिण अफ्रिकाका लागि एडेन मार्कराम अहिलेसम्म सर्वाधिक रन स्कोरर ( १२ खेलमा ६८३ रन) बनेका छन् । बलिङमा मार्को जान्सन (१२ खेलमा १८ विकेट) टिममा शीर्ष स्थानमा छन् ।

अष्ट्रेलियाले पछिल्लो पाँच खेलमध्ये एउटा मात्र जितेको छ भने बाँकी खेलमा हार बेहोरेको छ । यो वर्ष अस्ट्रेलियाका लागि मार्नस लाबुसचेनले (१२ खेलमा ४९१ रन) सबैभन्दा धेरै रन बनाएका छन् । उनले शतक पनि बनाए । बलिङमा एडम जाम्पाले (१० खेलमा १५ विकेट) राम्रो बलिङ गरेका छन् ।

कस्तो छ पिच ?
एकना स्टेडियमको विकेटमा स्पिनरहरूले सहयोग पाइरहेका छन् । यहाँ अहिलेसम्म ४ ओडिआई खेलिएको छ । पहिले ब्याटिङ गर्ने टोलीले २ खेल जितेको छ भने पहिले बलिङ गर्ने टोलीले पनि २ खेल जितेको छ । पहिलो इनिङ्सको औसत कुल २२० रन रहेको छ । साँझपख यहाँ शीत पर्ने हुनाले बल समात्न समस्या हुने गरेको छ ।

मौसम कस्तो रहनेछ ?
आज लखनउमा पानी पर्ने सम्भावना छैन । त्यसकारण, तपाईले दुई शक्तिशाली टोलीहरू बीचको रोमाञ्चक खेलको आशा गर्न सक्नुहुन्छ । आर्द्रता लगभग ४३ प्रतिशत हुनेछ । यस अवधिमा हावाको गति १० किलोमिटर प्रतिघण्टा रहनेछ । यसको मतलब आर्द्रता बढी हुने र हावाको गति कम हुने भएकाले खेलाडीहरू पसिनाले भिजेका देखिनेछन् ।

दुबै टोलीको सम्भावित प्लेइङ–११
दक्षिण अफ्रिकाः टेम्बा बाभुमा (कप्तान), क्विन्टन डी कक (विकेटकीपर), रस्सी भान डेर डुसेन, एडेन मार्कराम, हेनरिक क्लासेन, डेभिड मिलर, मार्को जेन्सेन, केशव महाराज, कागिसो रबाडा, जेराल्ट कोएत्जीरतबारेज शम्सी र लुंगी एनगिडी ।

अष्ट्रेलियाः प्याट कमिन्स (कप्तान), डेभिड वार्नर, मिचेल मार्स, स्टीभ स्मिथ, मार्नस लाबुसचेन, ग्लेन म्याक्सवेल, एलेक्स क्यारी (विकेटकिपर), क्यामरन ग्रीनरमार्कस स्टोइनिस, एडम जाम्पा, मिचेल स्टार्क र जोश हेजलवुड ।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

नेपाल स्ट्रिट प्रिमियर लिग हुँदै, विजेता टोलीले २१ लाख रुपैयाँ…

काठमाडाैँ । डीजीआर स्पोट्र्स एण्ड इभेन्ट म्यानेजमेन्ट प्रा.लिको आयोजनामा नेपालको सबैभन्दा ठूलो टी–१० क्रिकेट प्रतियोगिता नेपाल स्ट्रिट प्रिमियर लिग (एनएसपीएल)

आईसीसी एकदिवसीय अन्तर्राष्ट्रिय वरीयतामा नेपाल यथावत्

काठमाडाैँ । नेपाल आईसीसी एकदिवसीय अन्तर्राष्ट्रिय (ओडीआई) वरीयतामा यथावत् रहेको छ । अन्तर्राष्ट्रिय क्रिकेट परिषद् (आईसीसी)ले हिजो सार्वजनिक गरेको नयाँ

नेपाल एएफसी महिला एसियन कप फुटबलमा छनोट हुन असफल

काठमाडौं । घरेलु टिम उज्वेकिस्तानसँग पराजित भएपछि नेपाल एएफसी महिला एसियन कपमा छनोट हुन असफल भएको छ । शनिबार राति

एपीएफ क्लबले एएफसी महिला च्याम्पियन्स लिगमा अल नासरसँग खेल्ने

काठमाडाैँ । सशस्त्र प्रहरी बलको एपीएफ क्लब एएफसी महिला च्याम्पियन्स लिगको समूह ‘बी’ मा परेको छ । एपीएफ रहेको समूहमा

एसिसी यु-१६ कप क्रिकेट : सिंगापुरमाथि नेपालको जित

काठमाडौं । एसीसी मेन्स यू-१६ इस्ट जोन कपमा नेपालले विजयी शुरुवात गरेको छ । आज भएको पहिलो खेलमा नेपालले सिंगापुरलाई

बाघ ई–स्पोर्ट्सले ३२४ टिमलाई उछिन्दै जित्यो वेस्टमिन्स्टर कलेज पब्जी टुर्नामेन्ट

काठमाडौँ । कुपण्डोलस्थित द वेस्टमिन्स्टर कलेजले आयोजना गरेको पब्जी टुर्नामेन्टको उपाधि ‘बाघ ई–स्पोर्ट्स’ले जितेको छ । ब्रिटिस एजुकेशन ग्रुपअन्तर्गतको वेस्टमिन्स्टर

Techie IT