Techie IT
२०८० मंसीर १२, मंगलबार
NepaliPatra logo
गृहपृष्ठखेलएकदिवसीय विश्वकपः अष्ट्रेलिया र पाकिस्तान भिड्दै

एकदिवसीय विश्वकपः अष्ट्रेलिया र पाकिस्तान भिड्दै


एजेन्सी । विश्वकप २०२३ मा आज शुक्रबार पाकिस्तान र अष्ट्रेलियाबीच प्रतिस्पर्धा हुँदैछ । यो खेल बैंगलोरको एम चिन्नास्वामी स्टेडियममा दिउँसो सवा २ बजेबाट सुरु हुनेछ । टस आधा घण्टा अगाडि अर्थात् दिउँसो १ः४५ बजे हुनेछ ।

यदि अष्ट्रेलियाले आज जित्यो भने विश्वकपमा उसको पाकिस्तानविरुद्धको लगातार तेस्रो जित हुनेछ । यसअघि सन् २०१५ मा भएको एकदिवसीय विश्वकपमा अष्ट्रेलियाले ६ विकेटले र २०१९ मा ४१ रनले पाकिस्तानलाई पराजित गरेको थियो ।

यो विश्वकपमा दुवै टोलीको चौथो खेल हुनेछ । अष्ट्रेलियाले पहिलो तीन खेलमा दुई हार र एकमा जित निकालेको छ । पाकिस्तानले दुई खेलमा जित र एकमा हार बेहोरेको छ ।

अस्ट्रेलिया भारतसँग ६ विकेटले र दक्षिण अफ्रिका १३४ रनले पराजित भएको थियो । जहाँ श्रीलंकाविरुद्धको खेल भने ५ विकेटले जितेको थियो ।

अर्कोतर्फ पाकिस्तानले नेदरल्याण्ड्स र श्रीलंकालाई हराए पनि भारतसँग ७ विकेटले पराजित भएको थियो ।

अष्ट्रेलिया र पाकिस्तानबीच कुल १०७ ओडीआई खेलिएको छ । अष्ट्रेलियाले ६९ पटक र पाकिस्तानले ३४ पटक जितेको छ । तीन खेलको नतिजा आउन सकेन भने एक खेल बराबरीमा परेको छ ।

एकदिवसीय विश्वकपको कुरा गर्ने हो भने यी दुईबीच हालसम्म १० खेल भइसकेका छन् । अस्ट्रेलियाले ६ र पाकिस्तानले ४ जित हात पारेको छ ।

एम चिन्नास्वामी स्टेडियमको पिच सामान्यतया ब्याटिङका ​​लागि अनुकूल मानिन्छ । यस मैदानमा हालसम्म २६ ओडिआई खेल भएका छन् ।

पहिले ब्याटिङ गर्ने टोलीले ११ खेल जितेको थियो भने लक्ष्य पछ्याउने टोलीले १२ खेल जितेको थियो । २ खेल अनिर्णित र १ बराबरी भएको थियो । पहिलो इनिङ्सको औसत स्कोर २६० रन रहेको छ ।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

नेपाल सुपर लिग: काठमाडौँ र चितवनको खेल बराबरीमा सकियो

काठमाडौँ । नेपाल सुपर लिग (एनएसएल) फुटबल प्रतियोगिताको दोस्रो संस्करणअन्तर्गत साविक विजेता काठमाडौँ रेजर्स र चितवन एफसीबीचको खेल बराबरीमा सकिएको

कोशीलाई हराउँदै आर्मी केपी ओली कपको सेमिफाइनलमा

पोखरा। कोशी प्रदेशलाई पराजित गर्दै त्रिभुवन आर्मी क्लब पोखरामा जारी केपी ओली कप टि–२० क्रिकेट प्रतियोगिताको सेमिफाइनलमा प्रवेश गरेको छ।

केपी ओली कपमा सुदूरपश्चिमसँग नेपाल पुलिस पराजित

पोखरा। पोखरामा जारी केपी ओली कप टी–२० क्रिकेटमा नेपाल पुलिस क्लब सुदूरपश्चिम प्रदेशसँग ४ विकेटले पराजित भएको छ। पोखरा रंगशालास्थित

मुम्बई इन्डियन्सले हार्दिक पाण्ड्यालाई फिर्ता ल्यायो

एजेन्सी । भारतीय अलराउन्डर हार्दिक पाण्ड्या गुजरात टाइटन्स छोडेर आफ्नो पुरानो टोली मुम्बई इन्डियन्समा फर्किएका छन् । यसअघि गुजरातले हार्दिकलाई

शुभमन गिललाई गुजरात टाइटन्सको कप्तानी

एजेन्सी । आईपीएल २०२४ को लिलामी अघि गुजरात टाइटन्समा ठूलो परिवर्तन देखिएको छ । गुजरात टाइटन्सले ओपनिङ ब्याट्सम्यान शुभमन गिललाई

एनएसएलमा आज चितवन र काठमाडौं भिड्दै

काठमाडौँ । नेपाल सुपर लिग (एनएसएल) अन्तर्गत आज मंगलबार एक खेल हुँदैछ । आज हुने खेलमा एफसी चितवन र काठमाडौं

Techie IT