काठमाडौँ। यू– १९ एसिया कपमा नेपालले समूह चरणमा भारत र पाकिस्तानको सामना गर्ने भएको छ। एसियन क्रिकेट काउन्सीलले सार्वजनिक गरेको खेल तालिकाअनुसार नेपालले भारत र पाकिस्तानसँग प्रतिस्पर्धा गर्ने भएको हो।
समूह ‘ए’ मा नेपालसँगै भारत, पाकिस्तान र अफगानिस्तान रहेका छन्। त्यस्तै, समूह ‘बी’मा बंगलादेश, श्रीलंका, यूएई र जापान छन्।
एसिया कपको आगामी संस्करण यूएईमा आउँदो ८ डिसेम्बरबाट सुरु हुँदै छ। नेपालले पहिलो खेल पाकिस्तानसँग ८ डिसेम्बरमा खेल्ने छ। यो खेल दुबईको आईसीसी एकेडेमी ओभलमा हुनेछ।
यस्तै, दोस्रो खेल नेपालले अफगानिस्तानसँग १० डिसेम्बरमा सोही मैदानमा खेल्ने छ। भने १२ डिसेम्बरमा नेपालले भारतसँग खेल्नेछ।
