नेपाल सुपर लिगमा आज ललितपुर र वीरगञ्ज खेल्दै

काठमाडौँ । नेपाल सुपर लिग (एनएसएल) फुटबलमा आज मंगलबार ललितपुर सिटी एफसी र वीरगञ्ज युनाइटेड एफसीबीच खेल हुँदैछ ।

दुई टोलीबीचको खेल त्रिपुरेश्वरस्थित दशरथ रंगशालामा साँझ ५ बजेदेखि सुरु हुनेछ । तीन खेलबाट ५ अंक जोडेको ललितपुरलाई आज शीर्षस्थानमा उक्लने मौका छ ।

त्यस्तै, यसअघिका दुई खेलमा नै पराजय ब्यहोरेको वीरगञ्ज आजको खेलबाट खाता खोल्न चाहन्छ । अंकविहिन रहेको वीरगञ्ज तालिकाको पुछारमा छ ।