यू–१९ एसिया कप क्रिकेटः नेपाल र अफगानिस्तान भिड्दै

काठमाडौँ । यू–१९ एसिया कप क्रिकेटमा नेपालले आज आफ्नो दोस्रो खेल खेल्दै छ ।

समूह ‘ए’ मा रहेको नेपालले आज अफगानिस्तानसँग खेल्न लागेको हो । नेपाल र अफगानिस्तानबीचको खेल यूएइस्थित आइसीसी ग्राउन्ड २ मा ११ः १५ बजे सुरु हुनेछ।

यसअघिको पहिलो खेलमा पाकिस्तानसँग सात विकेटले पराजित भएको नेपाल आजको खेलमा पहिलो जितको खोजीमा रहनेछ ।

यस्तै, भारतसँग आफ्नो पहिलो खेलमा सात विकेटले नै हार ब्यहोरेको अफगानिस्तान पनि पहिलो जितको खोजीमा छ । आजै हुने अर्को खेलमा भारत र पाकिस्तानबीच प्रतिस्पर्धा हुँदैछ ।