अपराजित धनगढीसँग भिड्दै चितवन

काठमाडौँ। नेपाल सुपर लिग (एनएसएल)मा आज एफसी चितवन र धनगढी एफसीबीच प्रतिस्पर्धा हुँदैछ। त्रिपुरेश्वरस्थित दशरथ रंगशालामा हुने खेल साँझ ५ बजे बजे सुरु हुनेछ।

चितवन अंक तालिकाको आठौँ स्थानमा रहेको छ। ५ खेल खेलेको चितवनले १ खेलमा जित, २ खेलमा बराबरी तथा २ खेलमा हार ब्यहोरेर जम्मा ५ अंक जोडेको छ। चितवनलाई आजको खेलमा जित्ने दबाब रहेको छ।

उता धनगढी एनएसएलमा अपराजित टिम हो। धनगढीले ४ खेलबाट ८ अंक जोडेर तालिकाको दोस्रो स्थानमा छ। धनगढीले २ खेलमा जित र २ खेलमा बराबरी खेलेको छ।

आजको खेल जितेको खण्डमा धनगढी अंक तालिकाको शीर्ष स्थानमा पुग्नेछ भने चितवन पनि ३ अंक जोडेर शीर्ष चारमा पार्ने प्रयासमा हुनेछ।