ब्राजिलको मुख्य प्रशिक्षकमा डोरिभाल जुनियर नियुक्त

काठमाडौँ । ब्राजिलको राष्ट्रिय फुटबल टिमको मुख्य प्रशिक्षकमा डोरिभाल जुनियर नियुक्त भएका छन् ।

डोरिभल यसअघि ब्राजिलको घरेलु टोली साओ पाउलोको जिम्मेवारीमा थिए । राष्ट्रिय टिमको जिम्मेवारीमा आउने भएपछि डोरिभालले घरेलु टिमको प्रशिक्षण छोडेका हुन् ।

गएको आइतबार साओ पाउलोले विज्ञप्ति जारी गर्दै डोरिभालले राष्ट्रिय टिमको जिम्मेवारी सम्हाल्ने जनाएको थियो । ब्राजिलले गत शुक्रबार अन्तरिम प्रशिक्षक फर्नान्डो डिनिजलाई बर्खास्त गरेको थियो ।

६१ वर्षीय डोरिभलको प्रशिक्षणमा ब्राजिलले पहिलो प्रतिस्पर्धा युरोपियन राष्ट्र इंग्ल्यान्ड वा स्पेनसँग मैत्रीपूर्ण खेलमार्फत गर्नेछ ।