आर्मीविरुद्ध कोशी ८८ रनमै अलआउट

काठमाडौँ। कोशी प्रदेश ८८ रनमा अल आउट भएको छ ।

प्रधानमन्त्री कप राष्ट्रिय क्रिकेट प्रतियोगितामा त्रिभुवन आर्मी क्लबविरुद्ध टस हारेर पहिला ब्याटिंङ गरेको कोशी प्रदेशले २४.४ ओभरमा अल आउट हुँदै ८८ रन बनाएको थियो । कोशीका लागि कप्तान अंकित सुबेदीले सर्बाधिक ४१ रन बनाए । अन्य ब्याट्सम्यानले भने दोहोरो अंकमा रन बनाउन सकेनन् ।

आर्मीका बलर शाहाब आलमले कोशीको ६ विकेट लिएका थिए । आलमले ६.४ ओभरमा ३ मेडनसहित १४ रन दिएर ६ विकेट लिए ।

त्यस्तै, कुशल मल्लले २ तथा सोमपाल कामी र विवेक यादवले एक–एक विकेट लिएका थिए ।